काठमाडौं– विपद् प्राधिकरणको बैठकपछि प्रवक्ता शान्ति महतले रसुवामा आएको बाढीको विषयमा बोलेकी छन् । 

उनले तिब्बत तर्फबाट बाढी आएको बताउँदै उतापट्टि ४८ मै बाढी आए पनि नेपालमा ९ बजे आइपुगेको र जानकारी आएको बताइन् । 

हिउँ पग्लिएर बाढी आएको अनुमान गर्दै महतले भनिन्, ‘गतवर्ष पनि यस्तो समस्या भएको थियो । हामीले यसबारे तिब्बत चीनसँग ‘ट्रान्स बाउन्ड्री’ छलफल गर्नुपर्ने भएको छ ।’ 

उनले अगाडि भनिन,’उतापट्टिको भएकाले हामीलाई बाढी आइसकेपछि मात्रै (थाहा) भएको छ। यस्ता समस्याहरू बढेको भएर हामीले चीन सरकार र नेपाल सरकारबीच एमओयू गरेर अघि बढ्नुपर्ने आवश्यकता देखिएको छ।’

उनले निजी क्षेत्रका ३४ वटा हेलिकप्टर यो उद्धारकार्यमा सरिक हुन आग्रह गरेकी छन् । महतले चीनतर्फ र नेपालतर्फ नै यो विषय समाधानका लागि पहल हुनुपर्ने आग्रह बताइन् ।