वीरगञ्ज– प्रहरीले आज लागूऔषधसहित दुई जनालाई नियन्त्रणमा लिएको छ । 

पर्साको वीरगञ्ज महानगरपालिका–१६ रजतजयन्ती चोकस्थित जय नेपाल होटलमा लागूऔषध बिक्री वितरण भइरहेको सूचनाको आधारमा प्रहरीले उनीहरूलाई पक्राउ गरेको जिल्ला प्रहरी कार्यालयका प्रहरी नायब उपरीक्षक एवं  प्रवक्ता चक्रबहादुर मल्लले जानकारी दिए  ।

जिल्ला प्रहरी कार्यालय मातहत प्रहरी चौकी इनर्वा र लागूऔषध नियन्त्रण ब्युरो पर्साबाट खटिएको संयुक्त प्रहरी टोलीले उक्त होटलमा खानतलासी गर्दा लागूऔषध फेला परेको प्रवक्ता मल्लले बताए । 

औषधि बिक्री वितरण कार्यमा संलग्न चितवनस्थित रत्ननगर नगरपालिका–६ का ५२ वर्षीय उत्तमकुमार पाठक र वीरगञ्ज महानगरपालिका–२ का ३५ वर्षीय ओसिम ठाकुरलाई लागूऔषधसहित नियन्त्रणमा लिई थप अनुसन्धान कार्य अघि बढाइएको प्रहरीले जनाएको छ ।