काठमाडौं – राष्ट्रिय स्वतन्त्र पार्टी (रास्वपा)को प्रथम राष्ट्रिय महाधिवेशनअन्तर्गत केन्द्रीय सदस्य निर्वाचनको कोशी प्रदेश समूहको मतपरिणाम सार्वजनिक भएको छ ।

मतपरिणामअनुसार निशा मेहताले १ हजार ८ सय ६१ मत प्राप्त गर्दै कोसी प्रदेश समूहमा सबैभन्दा धेरै मत ल्याएकी छन् ।

यस्तै, पूर्व प्रहरी अधिकारी विश्वराज पोखरेलले १ हजार ४ सय ६० मत प्राप्त गर्दै दोस्रो स्थान हासिल गरेका छन्। शोभा कार्कीले १ हजार २ सय ४ मत र कल्पना थापाले ९ सय ३९ मत प्राप्त गर्दै विजयी हुने उम्मेदवारहरूको सूचीमा स्थान बनाए ।

यसैगरी सुजाता तामाङले ८३९, लालविक्रम थापाले ७८३, सयमलाल चौधरीले ७५८, प्रकाश पाठकले ७४३, वीरेन्द्र श्रेष्ठले ६३१, राजकुमार राईले ६२४ तथा पारमणि गेलालले ६१३ मत प्राप्त गरेका छन् ।