काठमाडौं – राष्ट्रिय स्वतन्त्र पार्टी (रास्वपा) को केन्द्रीय सदस्य पदको निर्वाचनमा डा. स्वर्णिम वाग्ले सर्वाधिक मत प्राप्त गर्दै शीर्ष स्थानमा विजयी भएका छन् ।

अन्तिम मतपरिणामअनुसार वाग्लेले २ हजार ६ सय ५६ मत प्राप्त गरेका छन् भने प्रवासबाट ४९ मत गरी २६५६ मत प्राप्त गरेका छन् । निर्वाचन प्रक्रियामा उनले देशभित्रका प्रतिनिधिसँगै प्रवास समितिका प्रतिनिधिहरूको समेत उल्लेखनीय समर्थन पाएका थिए ।

उनीपछि दोस्रोमा कानुनमन्त्रीसमेत रहेकी सोविता गौतमले धेरै मत ल्याएकी छन् । निर्वाचन आयोगले दिएको जानकारी अनुसार, गौतमले २५९४ मत प्राप्त गरेकी छिन् ।

बिहान सम्पन्न भएको मतदानपछि मतगणना गरिएको थियो भने अहिले अन्तिम नतिजा सार्वजनिक गर्ने क्रम जारी छ।