काठमाडौं– दुग्ध विकास संस्थान (डीडीसी) ले दैनिक करिब एक करोड किसानलाई भुक्तानी गर्दै आएको छ। कृषि, वन तथा पर्यावरणमन्त्री गीता चौधरीका अनुसार संस्थानको सुधार कार्ययोजना कार्यान्वयनसँगै भुक्तानी प्रक्रिया नियमित रूपमा अघि बढाइएको हो।

पछिल्लो चार महिनाको करिब ५८ करोड बक्यौता दायित्वमध्ये हालसम्म १२ करोड भुक्तानी भइसकेको छ। बाँकी बक्यौता रकम चरणबद्ध रूपमा तिर्ने योजना अनुसार एक महिनाको रकम आगामी असार १३ गतेभित्र भुक्तानी गरिने मन्त्रालयले जनाएको छ।

डीडीसीको हाल दैनिक करिब एक करोड बराबरको कारोबार भइरहेको छ, जसलाई सोही दिन किसानको खातामा भुक्तानी गरिँदै आएको छ। बाँकी करिब ४६ करोड बक्यौता आगामी दुई महिनाभित्र पूर्ण रूपमा भुक्तानी गर्ने लक्ष्य राखिएको छ।

मन्त्रालयका अनुसार किसानको श्रम र योगदानलाई सम्मान गर्दै समस्या समाधानका लागि सम्बन्धित निकायसँग निरन्तर समन्वय भइरहेको छ।