काठमाडौं- सरकारले नेपाल नागरिक उड्ययन प्राधिकरणको महानिर्देशकमा सहसचिव मुकेश डंगोललाई नियुक्त  गरेको छ।

सोमबार बसेको मन्त्रिपरिषद् बैठकले सहसचिव डंगोललाई महानिर्देशक नियुक्त गर्ने निर्णय गरेको सरकारका प्रवक्ता एवम् शिक्षामन्त्री सस्मित पोखरेलले जानकारी दिए ।

नागरिक उड्डयन प्राधिकरणको महानिर्देशक पदका लागि २१ जनाले आवदेन दिएका थिए। पर्यटन मन्त्रालयले प्राधिकरणमा खुला प्रतिस्पर्धाबाट महानिर्देशक नियुक्तिको प्रक्रिया अघि बढाएको थियो ।

वैशाख २१ सम्म आवेदनका लागि अन्तिम दिन रहेकोमा २१ जनाको आवेदन परेको थियो। जसमा प्राधिकरणकै कर्मचारीदेखि पर्यटन व्यवसायीसम्म थिए। 

यस्तै मन्त्रिपरिषद्को बैठकले बर्षे धान बालीको न्यूनतम् समर्थन मूल्यसमेत तोकेको पोखरेलले बताए ।