काठमाडौं – इन्डियन प्रिमियर लिग २०२६ अन्तर्गत ३६औँ खेलमा राजस्थान रोयल्सले सनराइजर्स हैदराबाद सामु २२९ रनको विशाल लक्ष्य प्रस्तुत गरेको छ।

सवाई मानसिंह रंगशालामा जारी खेलमा हैदराबादले टस जिते बलिङ रोजेको थियो । सुरुवाती ब्याटिङमा उत्रिएको राजस्थानका ब्याट्सम्यानहरूले सुरुदेखि नै आक्रामक खेल प्रस्तुत गर्दा निर्धारित २० ओभरमा ६ विकेट गुमाउँदै राजस्थानले २२८ रन बनायो।

राजस्थानको इनिङ्सका नायक बने वैभव सूर्यवंशी, जसले केवल ३७ बलमा १०३ रनको तीव्र पारी खेले । उनले ३६ बलमै शतक पूरा गर्दै १२ छक्का र ५ चौका प्रहार गरे ।

ध्रुव जुरेलले पनि उत्कृष्ट साथ दिँदै ५१ रन बनाए। अन्तिम ओभरहरूमा डोनोवन फरेरा ले १६ बलमा ३३ रन थप्दै टोलीको स्कोर अझ उचाल्न सहयोग गरे ।

हैदराबादतर्फबाट ईशान मलिंगाले सर्वाधिक २ विकेट लिए । त्यस्तै प्याट कमिन्स, नीतीश रेड्डी, साकिब हुसैन र प्रफुल्ल हिंगे ले समान १–१ विकेट लिए ।