काठमाडौं – इन्डियन प्रिमियर लिग २०२६ अन्तर्गत ३६औँ खेलमा सनराइजर्स हैदराबाद र राजस्थान रोयल्स बीच रोमाञ्चक प्रतिस्पर्धा भइरहेको छ।

सवाई मानसिंह रंगशाला मा भइरहेको खेलमा हैदराबादले पहिले बलिङ गर्ने निर्णय गरेको थियो । आजको खेलमा हैदराबादका कप्तान प्याट कमिन्स टोलीमा पुनरागमन गरेका छन् ।

खेलमा वैभव सूर्यवंशीले मात्र ३६ बलमा शतक पूरा गर्दै उत्कृष्ट प्रदर्शन गरे । उनले ३७ बलमा १०३ रन बनाउँदै टोलीलाई बलियो अवस्थामा पुर्‍याए। उनको इनिङ्समा १२ छक्का र ५ चौका समावेश थिए । अन्ततः उनलाई साकीबले आउट गरे। सुरुआती ओभरमै सूर्यवंशीले प्रफुल्ल हिंगेको बलमा चार छक्का प्रहार गरेका थिए ।

यशस्वी जायसवाल भने धेरै समय टिक्न सकेनन् । उनी ८ बलमा १० रन बनाएर ईशान मलिंगा को बलमा आउट भए। त्यस्तै ध्रुव जुरेल ले पनि उत्कृष्ट अर्धशतक प्रहार गर्दै ५१ रन बनाएर आउट भए।

ताजा अवस्थामा राजस्थानले १३ दशमलव ५ ओभरमा ३ विकेट गुमाएर १७० रन बनाइसकेको छ। हाल क्रिजमा डोनोवन फरेरा र रियान पराग टिकिरहेका छन् ।