काठमाडौँ- भदौ २३ र २४ को जेनजी आन्दोलनमा ७६ जनाको ज्यान गएको थियो । यीमध्ये २४ जनाको भने आन्दोलनकारीबाटै मारिएको जेनजी आन्दोलनको घटना छानबिनका लागि गठन भएको जाँचबुझ आयोगको प्रतिवेदनमा उल्लेख छ ।

आन्दोलनकारीबाटै मारिएका भनिएका २४ जनामा एक विदेशी पनि छन् । हायात होटलमा भारतीय नागरिको मृत्यु भएको थियो। त्यस्तै आन्दोलनकारीको कुटपिटबाट तीन प्रहरीको मृत्यु भएको थियो। ५ जनाको भने विभिन्न भवनमा जलेर ज्यान गएको थियो ।

निजी प्रतिष्ठानमा काम गर्ने कर्मचारी र सर्वसाधारण गरी ३ जनाको पनि आन्दोलनकारीको आगलागीमा परेर मृत्यु भएको प्रतिवेदनमा उल्लेख छ । भाटभटेनीमा जलेको अवस्थामा फेला परेका १२ जनाको भने अझै सनाखत हुन सकेको छैन ।

प्रहरीको गोली लागेर ४२ जनाको मृत्यु भएको थियो । १० जना कैदीबन्दीको भाग्ने क्रममा गोली प्रहारबाट ज्यान गएको थियो।

यी मध्ये तीन प्रहरी र प्रहरीको गोली लागि ज्यान गुमाएका ४२ जनालाई सरकारले सहिद घोषणा गरेको छ ।