काठमाडौं– नेपाली कम्युनिष्ट पार्टी (नेकपा)का संयोजक पुष्पकमल दाहाल ‘प्रचण्ड’ले आफ्नो पार्टीले जेन-जी आन्दोलनको भावनालाई समर्थन गरेपनि हिंसात्मक गतिविधिमा भने संलग्नता नभएको बताएका छन् । 

जेन-जी आन्दोलनसम्बन्धी अध्ययन गर्न बनेको गौरीबहादुर कार्कीसमक्ष बयान दिँदै उनले आफ्नो पार्टीसँग सम्बन्धित कोही व्यक्ति कानुन विपरित क्रियाकलापमा संलग्न भएको प्रमाणित भएमा कारबाही भोग्नुपर्ने आफ्नो धारणा समेत राखेका हुन् ।

प्रचण्डले आफ्नो काठमाडौंमा घर नभएको, भाडाको घरमा बस्दै आएको छोरी गंगा दाहालको घरमा भेटिएको भन्ने प्रचार निराधार भएको बयान आयोगसमक्ष दिएका छन् । साथै, उनले भदौ २३ गतेको आन्दोलनमा युवाहरूको आक्रोश देखिएको र २४ गतेको घटनामा आन्तरिक तथा बाह्य घुसपैठको सम्भावना रहेको बताएका छन् ।