काठमाडौं – नायक अनमोल केसीको करिअरकै हिट फिल्म ‘जेरी अन टप’ भारतमा रिलिज हुने भएको छ ।

निर्माता सरोज न्यौपानेका अनुुसार आगामी शुक्रबारदेखि फिल्म भारतका हलहरुमा रिलिज हुन लागेको हो ।

नेपाली भाषीहरूको बसोबास रहेको क्षेत्र लक्षित गरि फिल्म रिलिज गर्न लागेको उनले बताए ।

उनका अनुसार दार्जिलिङ, सिक्किम, देहरादुन, दिल्ली, कालिङपोङ, सिलिगुरी र कोलकातासहितका सहरमा यो फिल्म हेर्न पाइनेछ ।

बिहीबार अर्थात् फेब्रअरी २६ का दिन गान्तोकमा यो फिल्मको प्रिमियर राखिएको छ । प्रिमियरमा भुवन केसी, अनमोल केसी र जसिता गुरुङ पनि उपस्थित हुनेछन् ।

असली प्रोडक्सनले फिल्मको भारत रिलिजको जिम्मेवारी पाएको हो ।

सुयोग गुरुङको निर्देशनमा बनेको ‘जेरी अन टप’ घरेलु बक्स अफिसमा १२ करोड ग्रस कलेक्सन गरेको थियो । अनमोलको सबैभन्दा बढी व्यापार गर्ने फिल्म यही हो ।