विराटनगर- कोशी प्रदेशबाट राष्ट्रिय सभा सदस्यका लागि नेकपा एमालेका २ र नेपाली कांग्रेसका एकजना विजयी भएका छन् ।
आइतबार कोशी प्रदेशमा भएको निर्वाचनमा दलिततर्फ नेकपा एमालेका सोम पोर्तेल निर्वाचित भएका छन् ।
पोर्तेलले प्रदेशसभा तर्फ ६८ र स्थानीय तहतर्फ २०१ मत प्राप्त गरेका छन् । पोर्तेल ७ हजार ४२३ मतसहित निर्वाचित भए ।
उनका निकटतम् प्रतिद्वन्द्वी नेपाली कम्युनिस्ट पार्टीका खेम सुन्दासले प्रदेशसभातर्फ १८ र स्थानीय तहतर्फ ५७ मतदाताबाट २०३७ मत प्राप्त गरे ।
प्रदेशसभातर्फ एक मत बदर भएको छ । यसअघि एमालेकै रोशनी मेचे पनि निर्वाचित भएकी छन् । उता कांग्रेसबाट सुनील थापा यसपहिले नै निर्विरोध भइसकेका छन् ।
प्रतिक्रिया