काठमाडौं– नेपाल चिकित्सक संघको निर्वाचन अब प्रतिनिधि सभा निर्वाचन पछि मात्र हुने भएको छ।
निर्वाचन आयोगले ४ माघ राति १२ बजेदेखि निर्वाचन आचारसंहिता लागू भइसकेकाले संघको निर्वाचन प्रक्रिया अघि बढाउन नमिल्ने स्पष्ट पारेको हो ।
यसअघि नेपाल चिकित्सक संघको निर्वाचन समितिले प्रतिनिधि सभा निर्वाचनअघि संघको निर्वाचन गर्न मिल्छ वा मिल्दैन भन्ने विषयमा निर्वाचन आयोगसँग औपचारिक राय मागेको थियो ।
आयोगले ६ माघमा उक्त पत्र प्राप्त भएको जानकारी दिँदै त्यसअघिदेखि नै आचारसंहिता लागू भइसकेकाले सो अवधिभर कुनै पनि किसिमको निर्वाचन प्रक्रिया सञ्चालन गर्न नमिल्ने जनाएको छ ।
प्रतिक्रिया