काठमाडौं – जेठ १५ गते अर्थात् गणतन्त्र दिवसको सार्वजनिक बिदा उपभोग गर्ने दौडमा मेकहरु देखिएका छन् । दुई फिल्मले जेठ १५ लाई प्रदर्शन मिति शुक्रबार तोकेका हुन् ।

जेठ आउन ४ महिनाभन्दा बढी समय बाँकी रहँदै दुई फिल्मले प्रदर्शन मिति तोकेका हुन् ।

डान्सर तेरिया मगरको डेब्यू फिल्म ‘मितज्यू’ले शुक्रबार नै प्रदर्शन मिति सार्वजनिक गरी सुटिङ सुरु गरेको हो । यस फिल्ममा नायकद्वय दयाहाङ राई र सौगात मल्ल शीर्ष भूमिकामा रहेका छन् । निर्देशक अनिल बूढा मगर हुन् ।

त्यस्तै, जोन योञ्जनको निर्देशनमा रहेको ‘रोल नं. १’ पनि शुक्रबार नै प्रदर्शन मिति तोकिएको हो । सरस्वती पूजाको अवसर पारेर यो दुवै फिल्मले रिलिज डेट लक गरेका हुन् ।

‘रोल नं. १’मा नायक भुकुन भुसाल शीर्ष भूमिकामा रहेको बताइएको छ ।

जेठ १५ गते शुक्रबारको सार्वजनिक बिदा उपभोग गर्ने रणनीतिले दुई फिल्मको बक्स अफिस भिडन्त अहिले नै तय भएको छ ।