काठमाडौँ – नेपाल प्रिमियर लिग (एनपिएल)लाई आर्थिक रूपमा निकै उचाइमा पुर्‍याएको नेपाल क्रिकेट संघ (क्यान) का कोषाध्यक्ष पदमबहादुर खड्काले बताएका छन्। लिग सुरु हुनुअघिल्लो दिन आयोजित पत्रकार सम्मेलनमा बोल्दै कोषाध्यक्ष खड्काले यसपटक स्पोन्सरसिप (प्रायोजन) बाट मात्रै क्यानले करिब २० करोड रुपैयाँ संकलन गरेको जानकारी दिए।

टिकट बिक्री र अन्य सम्पूर्ण प्रायोजनसहित क्यानको तर्फबाट मात्रै एनपिएलमा ७० देखि ७५ करोड रुपैयाँसम्मको कारोबार हुनेछ। क्यानले गर्ने उक्त खर्चको हाराहारीमै फ्रेन्चाइज टोलीका मालिकले पनि खर्च गर्ने कोषाध्यक्ष खड्काले बताएका छन्।

टिम मालिकको ७० देखि ७५ करोड र क्यानको उति नै रकम जोड्दा करिब एक महिना चल्ने यस प्रतियोगितामा समग्रमा १५० करोड (डेढ अर्ब) रुपैयाँको आर्थिक कारोबार हुने क्यानको दाबी छ।