काठमाडौँ – नेपाल क्रिकेट सङ्घ (क्यान) ले नेपाल प्रिमियर लिग (एनपीएल) को तेस्रो संस्करणका लागि आकर्षक पुरस्कार राशिको घोषणा गरेको छ।

लिग सुरु हुनुअघिल्लो दिन आयोजित पत्रकार सम्मेलनमा नेपाल क्रिकेट संघ (क्यान) का कोषाध्यक्ष पदमबहादुर खड्काले प्रतियोगिताको पुरस्कार राशिबारे जानकारी गराएका हुन् । 

क्यानको घोषणाअनुसार एनपीएल सिजन ३ को विजेता टोलीले १ करोड ५० लाख नगद पुरस्कार प्राप्त गर्नेछ।

त्यसैगरी, प्रतियोगितामा उपविजेता बन्ने टिमले ८० लाख, तेस्रो हुने टोलीले ४० लाख र चौथो स्थान हासिल गर्ने टिमले ३० लाख पुरस्कार पाउनेछन्।

नेपाली क्रिकेटलाई थप व्यावसायिक र प्रतिस्पर्धी बनाउने उद्देश्यसहित आयोजना गरिएको यस तेस्रो संस्करणको पुरस्कार राशिले खेलाडी तथा फ्रेन्चाइज टिमको उत्साह अझै बढ्ने अपेक्षा गरिएको छ।