काठमाडौं– प्रतिकूल मौसमका कारण देशभरका केही विमानस्थलमा हवाई उडान प्रभावित भएको छ।
विशेषगरी कम दृश्यताका कारण तुम्लिङटार, भरतपुर र पोखरा विमानस्थलमा निर्धारित उडान तालिका प्रभावित भएको हो।
त्रिभुवन अन्तर्राष्ट्रिय विमानस्थल कार्यालयका अनुसार तुम्लिङटारमा बुद्ध एयरको निर्धारित उडान रद्द भएको छ। भरतपुरका लागि बुद्ध एयरका तीन उडानसमेत रद्द भइसकेका छन्।
पोखरा विमानस्थलमा भने मौसम अनुकूल हुने प्रतीक्षामा केही उडान ढिला भएका छन्।
यसैबीच, त्रिभुवन अन्तर्राष्ट्रिय विमानस्थलबाट हुने अन्तर्राष्ट्रिय उडान भने हाल सामान्य रूपमा सञ्चालन भइरहेका छन्।
प्रतिक्रिया