काठमाडौं– भृकुटीमण्डपमा मंगलबारदेखि सुरु भएको नाडा अटो शो २०२६ मा विभिन्न ब्राण्डका नयाँ मोडलका दुईपाङ्ग्रे सवारीसाधन तथा हेल्मेट प्रदर्शनीमा राखिएका छन् ।

अटो शोमा १३ वटा ब्राण्डका स्कुटर तथा मोटरसाइकलका साथै विभिन्न डिजाइन र विशेषताका हेल्मेट प्रदर्शन गरिएको छ । 

प्रदर्शनीमा नयाँ मोडलका मोटरसाइकल र स्कुटर हेर्न तथा हेल्मेटबारे जानकारी लिन आउने युवाको संख्या उल्लेख्य देखिएको छ ।

प्रदर्शनीमा राखिएका नयाँ मोडलका दुईपाङ्ग्रे सवारीसाधनसँगै आकर्षक डिजाइनका हेल्मेटले पनि आगन्तुकको ध्यान खिचेको छ । 

युवाहरूले सवारीसाधनका मोडल, मूल्य, विशेषता तथा हेल्मेटका विभिन्न विकल्पबारे जानकारी लिइरहेका छन्।

तस्बिर : सुर्याम्स उप्रेती/नेपाल फोटो लाइब्रेरी