काठमाडौँ- राष्ट्रियसभाको बैठक मंगलबार बिहान १०:१५ बजे बस्दैछ। संसद् भवन नयाँ बानेश्वरमा बस्ने बैठकका लागि सम्भावित कार्यसूची तय गरिएको छ।

बैठकमा प्रधानमन्त्री वालेन्द्र शाहले प्रतिनिधिसभाबाट सन्देशसहित प्राप्त ‘नेपाल विशेष सेवा ऐन, २०४२ को साविकको व्यवस्था जगाउनेसम्बन्धी विधेयक, २०८३’ लाई दफावार छलफलका लागि विधायन व्यवस्थापन समितिमा पठाइयोस् भन्ने प्रस्ताव प्रस्तुत गर्ने कार्यसूची रहेको संसद् सचिवालयले जनाएको छ।

प्रधानमन्त्री शाह स्वयम् उपस्थित भएर विधेयक पेश गर्छन् कि अन्य मन्त्रीलाई जिम्मेवारी दिन्छन् भन्ने कुनै जानकारी सचिवालयले गराएको छैन ।

राष्ट्रियसभामा विधेयक विधायन समितिमा पठाउने प्रस्ताव स्वीकृत भएपछि समितिमा विधेयकमाथि दफावार छलफलको प्रक्रिया अघि बढ्नेछ।