काठमाडौं– तेस्रो संस्करणको कर्णाली चलचित्र महोत्सवमा फिल्म ‘ऊनको स्वीटर’ले वर्चश्व जमाएको छ ।

भृकुटी मण्डपस्थित पर्यटन बोर्डमा शनिबार आयोजित कार्यक्रममा उक्त फिल्म उत्कृष्ट घोषित भएको हो । यही फिल्मबाट नायक विपिन कार्की उत्कृष्ट नायक र नवीन चौहान उत्कृष्ट निर्देशक घोषित भए ।

‘ऊनको स्वीटर’ले शीर्ष तीन विधाको अवार्ड जितेको हो ।

त्यस्तै, फिल्म ‘जेरी अन टप’बाट जसिता गुरुङ उत्कृष्ट नायिका घोषित भइन् । नायक पल शाहलाई ‘सोसियल आइकन एक्टर अवार्ड’ दिइएको थियो ।

कर्णाली एडिसन अवार्ड ९निर्देशक० राज बहादुर सानेले प्राप्त गर्दा उदीयमान चलचित्र निर्माता तथा वितरकको अवार्ड आशिष तामाङले र उत्कृष्ट सर्ट फिल्मको अवार्ड मुगुको फ्लाइङ फिदर फिल्म्सद्वारा निर्मित ‘ह्याप्पिनेस’ले जितेको छ। 

यस्तै, कर्णाली भिजनरी अवार्डबाट ‘प्रेम गीत २’का निर्माता सन्तोष सेनलाई प्रदान गरिएको थियो ।