काठमाडौं – इन्डियन प्रिमियर लिग (आईपीएल) २०२६ अन्तर्गत ३४औँ खेलमा गुजरात टाइटन्सले रोयल्र्स च्यालेन्जर्स बेंगलुरु सामु २०६ रनको चुनौतीपूर्ण लक्ष्य प्रस्तुत गरेको छ।

एम चिन्नास्वामी स्टेडियम मा शुक्रबार भएको खेलमा पहिले ब्याटिङ गरेको गुजरातले २० ओभरमा ३ विकेट गुमाउँदै २०५ रन बनायो ।

गुजरातका लागि साई सुदर्शनले उत्कृष्ट प्रदर्शन गर्दै १०० रनको शतकीय इनिङ खेले । उनको आईपीएल करियरको तेस्रो शतक हो । कप्तान शुभमन गिल ले ३२ रनको योगदान दिए भने जेसन होल्डर १० बलमा २१ रन बनाउँदै अविजित रहे।

बलिङतर्फ आरसीबीका जोश हेजलवुड, सुयश शर्मा र भुवनेश्वर कुमार ले समान १–१ विकेट लिए। अब खेल जित्न आरसीबीले २० ओभरमा २०६ रन बनाउनु पर्नेछ।