न्युयोर्क- न्युयोर्कस्थित लागार्डिया विमानस्थलमा एयर क्यानडाको एउटा विमान दमकलसँग ठोक्किँदा दुई पाइलटको मृत्यु भएको छ । दुर्घटनामा अन्य ४१ जना घाइते भएका छन् ।

क्यानडाको मन्ट्रियलबाट न्युयोर्कका लागि उडेको ‘एसी ८६४६’ उडान नम्बरको जहाज अवतरणका क्रममा धावनमार्गमा रहेको दमकलसँग ठोक्किएको हो । प्रत्यक्षदर्शीका अनुसार ठक्कर यति शक्तिशाली थियो कि जहाज बीचबाटै दुई टुक्रा भएको देखिएको थियो । घाइतेको स्थानीय अस्पतालमा उपचार भइरहेको छ, जसमध्ये केहीको अवस्था चिन्ताजनक रहेको बताइएको छ ।

अमेरिकी संघीय उड्डयन प्रशासन (एफएए) ले घटनाको उच्चस्तरीय अनुसन्धान सुरु गरेको छ । अमेरिकी यातायात सचिव सिन डफीले सिट बेल्टकै कारण धेरै यात्रुको ज्यान जोगिएको बताएका छन् । दुर्घटनापछि लागार्डिया विमानस्थलबाट हुने सबै उडानहरू स्थगित गरिएका थिए ।