काठमाडौं- काठमाडौंमा जारी एन्फा राष्ट्रिय लिगमा मच्छिन्द्र फुटबल क्लबले लगातार तेस्रो जीत हासिल गरेको छ ।

शनिबार त्रिपुरेश्वरस्थित दशरथ रंगशालामा भएको खेलमा मच्छिन्द्रले प्लानिङ ब्वाइज युनाइटेडलाई २–० गोल अन्तरले पराजित गर्दै लगातार तेस्रो जित हासिल गर्न सफल भएको हो ।

मच्छिन्द्रको जितमा सौरभ सुब्बाको खेलको ४१ औं मिनेटमा गोल गरेका थिए भने जोनाथनले खेलको ७४ औं मिनेटमा गोल गरेका थिए ।

जितसहित तीन खेल खेलको मच्छिन्द्रको ९ अंक भएको छ भने समान खेल खेलको प्लानिङ ब्वाइजको ४ अंक रहेको छ ।

प्लानिङले पहिलो खेलमा पुलिस क्लबलाई पराजित गरेको थियो भने दोश्रो खेलमा त्रिभुवन आर्मीसँग गोलरहित बराबरी खेलेको थियो । त्यस्तै मच्छिन्द्रले पहिलो खेलमा एनआरटी र दोश्रो खेलमा मनाङ मर्स्याङ्दी क्लबलाई पराजित गरेको थियो ।