काठमाडौं – नेकपा एमालेका अध्यक्ष केपी शर्मा ओलीले प्रतिनिधि सभाका पूर्वसभामुख देवराज घिमिरे र पूर्वउपसभामुख शिवमाया तुम्बाहाम्फेलाई पार्टीको स्थायी कमिटी सदस्यमा मनोनयन गर्न प्रस्ताव गरेका छन्।

ललितपुरको भनिमण्डलमा चार दिनदेखि जारी एमाले केन्द्रीय कमिटी बैठकमा अध्यक्ष ओलीले घिमिरे र तुम्बाहाम्फेलाई स्थायी कमिटी सदस्य बनाउने प्रस्ताव गरेका हुन्।

घिमिरे एमालेका नेता तथा प्रतिनिधि सभाका पूर्वसभामुख हुन्। उनी २०७९ सालमा प्रतिनिधि सभाको सभामुख निर्वाचित भएका थिए। त्यस्तै, तुम्बाहाम्फे एमालेकी नेतृ तथा प्रतिनिधि सभाकी पूर्वउपसभामुख हुन्। उनी २०७४ सालमा प्रतिनिधि सभाको उपसभामुख निर्वाचित भएकी थिइन्। उनी दक्षिण कोरियाको पूर्वराजदूत पनि हुन्। 

अध्यक्ष ओलीले पार्टीका पूर्वउच्च पदाधिकारी तथा संसदका पूर्वपदाधिकारी रहेका दुवै जनालाई पार्टीको नेतृत्व संरचनामा थप जिम्मेवारी दिने गरी स्थायी कमिटी सदस्यमा मनोनयनको प्रस्ताव गरेका हुन्।

चार दिनदेखि जारी केन्द्रीय कमिटी बैठकमा पार्टीको सांगठनिक तथा राजनीतिक विषयमा छलफल भइरहेका बेला ओलीले घिमिरे र तुम्बाहाम्फेको नाम स्थायी कमिटी सदस्यका लागि प्रस्ताव गरेका हुन्।

बैठकले अध्यक्ष ओलीको प्रस्तावमाथि छलफल गरी अनुमोदन गर्ने तयारी गरेको छ। केन्द्रीय कमिटी बैठक आजै समापन हुँदैछ।