काठमाडौं- भारतकी राष्ट्रपति द्रौपदी मुर्मूको मोल्दोभाको राजकीय भ्रमणका क्रममा दुई देशबीच संयुक्त राष्ट्रसंघीय सुरक्षा परिषदसहित बहुपक्षीय संगठनहरूमा सुधार र आतंकवादविरुद्धको लडाइँमा सहकार्य गर्ने विषयमा महत्वपूर्ण छलफल भएको छ । सन् १९९२ मा कूटनीतिक सम्बन्ध स्थापना भएयता पूर्वी युरोपेली राष्ट्र मोल्दोभाको भ्रमण गर्ने मुर्मू पहिलो भारतीय राष्ट्राध्यक्ष हुन् ।

भ्रमणका क्रममा राष्ट्रपति मुर्मू र मोल्दोभाकी समकक्षी माइया सान्दुबीच द्विपक्षीय वार्ता भएको छ। भारतीय विदेश मन्त्रालयका अनुसार दुई मुर्मूको भ्रमणका क्रममा नेताले व्यापार तथा लगानी, डिजिटल रूपान्तरण, सूचना प्रविधि, स्वास्थ्य सेवा, औषधि, कृषि, शिक्षा, संस्कृति र क्षमता वृद्धिका क्षेत्रमा नयाँ सहकार्यका सम्भावनाबारे पनि चर्चा भएको छ ।

विदेश मन्त्रालयका सचिव (पश्चिम) सिबी जर्जले पत्रकार सम्मेलनमा जानकारी दिए अनुसार उनीहरूबीच आतंकवादविरुद्धको संघर्षमा सहकार्य र सुरक्षा परिषद्सहितका बहुपक्षीय संगठनहरूमा सुधारको आवश्यकतामाथि समेत छलफल भएको थियो ।