काठमाडौं– राष्ट्रिय स्वतन्त्र पार्टी (रास्वपा) को प्रथम महाधिवेशनमा प्रत्येक प्रदेशबाट ५–५ जना केन्द्रीय सदस्य निर्वाचित हुने व्यवस्था गरिएको छ।

निर्वाचन प्रणालीअनुसार सातै प्रदेशबाट सदस्य चयन गर्दा प्रत्येक प्रदेशबाट एक जना महिला अनिवार्य गरिएको छ। यस व्यवस्थाले समावेशितालाई सुनिश्चित गर्ने लक्ष्य राखिएको बताइएको छ।

महाधिवेशनबाट कुल १५८ जना केन्द्रीय सदस्य चयन हुनेछन्। त्यसमध्ये ६४ जना केन्द्रीय सदस्यका लागि खुला निर्वाचन हुने व्यवस्था गरिएको छ।

त्यस्तै, बाँकी सदस्यमध्ये केहीलाई नेतृत्व तहबाट मनोनयन गरिने र बाँकी संरचना महाधिवेशनमार्फत टुंगो लगाइने जनाइएको छ। संस्थापक सभापति रवि लामिछानेले ५१ जना सदस्य छनोट गर्ने व्यवस्था पनि रहेको छ।

महाधिवेशनमार्फत पार्टीको केन्द्रीय संरचना पूर्ण रूपमा निर्माण गरिने र आगामी राजनीतिक कार्यदिशा तय हुने बताइएको छ।