काठमाडौँ– फिफा विश्वकप फुटबलमा नर्वे नकआउट चरणमा प्रवेश गरेको छ । न्युयोर्कको न्युजर्सी रंगशालमामा आज बिहान भएको खेलमा सेनेगललाई ३–२ गोलले हराउँदै नर्वे अन्तिम ३२ मा प्रवेश गरेको हो ।

नर्वेका लागि मार्कस पेडरसनले एक तथा एर्लिङ हालान्डले दुई गोल गरेका थिए । यस्तै, सेनेगलका इस्माइला सारले दुई गोल फर्काएका थिए ।

खेलको ४३औँ मिनेटमा नर्वेका पेडरसनले गोल गर्दै टोलीलाई सुरुवाती अग्रता दिलाएका थिए । त्यसपछि ४८ औँ मिनेटमा हालान्डले गोल गर्दै टोलीलाई २–० गोलले अगाडि बढाए ।

त्यसपछि खेलको ५३ औँ मिनेटमा सेनेगलका स्माइलाले गोल गर्दै खेललाई २–१ गोलको स्थितिमा ल्याए । यस्तै खेलको ५८औँ मिनेटमा हालान्डले व्यक्तिगत दोस्रो गोल गर्दै टोलीलाई ३–१ गोलको अग्रता दिलाए ।

त्यसपछि दोस्रो हाफको इजुरी समयमा सेनेगलका स्माइलाले व्यक्तिगत दोस्रो गोल गर्दै खेललाई ३–२ को स्थितिमा ल्याएका थिए ।

यो जितसँगै समूह ‘आई’ को नर्वे लगातार दुई जितसँगै ६ अंकका साथ शीर्षस्थानमा रहेको छ । लगातार दुई खेल हारेको सेनेगल समूहचरणबाट बाहिरिएको छ ।