काठमाडौं – जेनजी आन्दोलनकी अगुवा रक्षा बमले राष्ट्रिय स्वतन्त्र पार्टीका सभापति रवि लामिछानेलाई लक्षित गर्दै सामाजिक सञ्जालमा कडा टिप्पणी गरेकी छन् ।

बमले आफ्नो स्टाटसमा सुकुम्बासी बस्तीको विषय उठाउँदै लामिछानेलाई ‘भोली छाती थाप्न आउनुहुन्छ कि ?’ भन्दै प्रश्न गरेकी छन् । उनले वर्षौंदेखि सुकुम्बासी बस्तीलाई विभिन्न राजनीतिक दलहरूले भोट बैंकको रूपमा प्रयोग गर्दै आएको आरोप समेत लगाएकी छन्।

उनको भनाइ अनुसार हाल सुकुम्बासी बस्तीहरू त्रासको अवस्थामा रहेको उल्लेख गर्दै उनले नेतृत्व तहलाई सिधा रूपमा सुकुम्बासी समुदायसँग संवाद गर्न आग्रह गरेकी छन्।

उनले लेखेकी छन्, ‘आदरणिय रवि लामिछाने ज्यू, भोली छाती थाप्न आउनुहुन्छ नि यहाँ ? तपाईंको पार्टीलाई भोट दिनु नै गल्ती भएछ भन्दै छन्। वर्षौंदेखि सुकुम्बासी बसेका ठाउँलाई भोट बैंक मात्र बनाउँदै आएका दलहरूभन्दा तपाईंहरू फरक हुनुहुन्न रे। आज सुकुम्बासी बस्ती आतंकित छ। सभापति ज्यू, सिधा कुरा सुकुम्बासीसँग कहिले गर्नुहुन्छ ? भोली आउनुस् ल।’