काठमाडौं– स्थानीय बजारमा आज पनि सुनचाँदीको मूल्य घटेको छ । सुन प्रतितोला एक हजार ८०० रुपैयाँ र चाँदी ११० रुपैयाँले घटेको हो । 

नेपाल सुनचाँदी व्यवसायी महासङ्घका अनुसार आज छापावाल सुनको मोल प्रतितोला दुई लाख ९८ हजार ७०० रुपैयाँ र त्यति नै परिमाणको सेतो धातुको मूल्य पाँच हजार २० रुपैयाँ कायम भएको छ ।

हिजो बुधबार छापावाल सुनको मोल प्रतितोला तीन लाख पाँच हजार रुपैयाँ र त्यति नै परिमाणको चाँदी पाँच हजार १३० रुपैयाँमा कारोबार भएको थियो । 

गत मङ्गलबार छापावाल सुनको मोल प्रतितोला तीन लाख एक हजार ३०० रुपैयाँ र त्यति नै परिमाणको चाँदी पाँच हजार १६० रुपैयाँमा किनबेच भएको थियो । 

अन्तर्राष्ट्रिय सञ्चारमाध्यमहरूका अनुसार आज अन्तर्राष्ट्रिय बजारमा एक औँस सुन चार हजार ७०५ र त्यति नै परिमाणको चाँदी ७८ अमेरिकी डलरमा कारोबार भइरहेको छ ।