काठमाडौँ– अर्थशास्त्री हरि रोकाले सरकारलाई सहरमा सुकुम्बासी बस्न निषेध गर्नुभन्दा गाउँमा बाँदर निषेध गर्ने कानुन ल्याउन अनुरोध गरेका छन् ।

प्रधानमन्त्री वालेन्द्र शाहले सुरक्षाकर्मीका प्रमुखहरूलाई सुकुम्बासी हटाउन दिएको निर्देशनसँगै अर्थशास्त्री रोकाले सामाजिक सञ्जाल फेसबुकमार्फत ध्यानाकर्षण गराएका हुन् ।

उनले आर्मी, शसस्त्र प्रहरीलाई परिचालन गरेर बाँदरलाई गाउँमा आउन निषेध गरे सुकुम्बासी समस्या आधाले निरुपण हुने उल्लेख गरेका छन् ।

उनले लेखेका छन्– ‘सहरमा सुकुम्बासी बस्न निषेध गर्नु भन्दा, गाउँमा बाँदर निषेध गर्ने कानुन ल्याउनुस् सरकार । शसस्त्र पुलिस र आर्मी वा अरु को  को हुन्छ लगाउनुस्  र बाँदरलाई गाउँमा आउन निषेध गर्नुस्, सुकुम्बासी समस्या आधाले निरुपण हुन्छ ।’

उनले सरकारलाई शिक्षा, स्वास्थ्य, पूर्वाधार विकास र भूमिसुधार लगायत एकीकृत ग्रामीण विकासमा ध्यान दिन समेत आग्रह गरेका छन् । उनले लेखेका छन्– ‘शिक्षा, स्वास्थ्य, पूर्वाधार विकास र भूमिसुधार लगायत एकीकृत ग्रामीण विकासमा ध्यान दिनुहोस् । त्यत्तिकै सहर कब्जा गर्दिने महामहिम ?’