काठमाडौं – राष्ट्रिय स्वतन्त्र पार्टी (रास्वपा)को केन्द्रीय समितिको बैठक आगामी बिहीबार (चैत्र १२ गते) बस्ने भएको छ। वनस्थलीस्थित पार्टी केन्द्रीय कार्यालय, घण्टीघरमा बस्ने बैठकमा पार्टीका समसामयिक राजनीतिक विषय र आन्तरिक व्यवस्थापनका मुद्दामा छलफल गरिने बताइएको छ ।

पार्टी स्रोतका अनुसार बैठकमा केन्द्रीय समितिका सबै पदाधिकारी तथा सदस्यलाई अनिवार्य उपस्थितिका लागि निर्देशन दिइएको छ।

बैठकको प्रमुख कार्यसूचीमा संसदीय दलको नेतासम्बन्धी विषय रहेको छ । दलको नेतृत्वबारे छलफल गर्दै आवश्यक निर्णय लिने तयारी गरिएको बताइएको छ। यस विषयले पार्टीभित्र नेतृत्व चयन र आगामी राजनीतिक रणनीतिमा प्रभाव पार्ने अपेक्षा गरिएको छ।

केन्द्रीय समिति बैठकलाई पार्टीको आगामी दिशा तय गर्ने महत्वपूर्ण अवसरका रूपमा लिइएको छ।