काठमाडौं- राष्ट्रिय आविष्कार केन्द्रका संस्थापक तथा पूर्वमन्त्री डा. महावीर पुन ६ महिनापछि वीरगञ्जस्थित कृषि औजार कारखाना पुगेका छन् । म्याग्दीबाट स्वतन्त्र सांसदका रूपमा निर्वाचित भएका डा. पुनले सामाजिक सञ्जालमार्फत् यसबारे जानकारी दिएका हुन् ।

पुन पुगेपछि कारखानामा वृहद भोज आयोजना गरिएको छ । वर्षमा दुई पटक भोज खुवाउने चलन रहेको जानकारी दिँदै उनले भोज खुवायो भनेर रिस र डाहा नगर्न पनि अनुरोध गरेका छन् ।

‘६ महिना पछि बीरगञ्जको कृषि औजार कारखानामा आएँ । यहाँका भाई बहिनीहरुले धेरै राम्रो काम गरेको हुनाले बृहत भोजको कार्यक्रम आयोजना गरियो।’ सामाजिक सञ्जालमा उनले लेखेका छन्, ‘भोज खुवायो भनेर कसैले रीस र डाहा नगर्नु होला। बर्षमा २ पटक भोज खुवाउने चलन छ ।’