काठमाडौं– नेपाल उद्योग वाणिज्य महासंघको आसन्न ६०औँ वार्षिक साधारणसभा तथा निर्वाचनका लागि अञ्जन श्रेष्ठको समूहले आफ्नो प्यानल घोषणा गरेको छ । 

सोमबार लाजिम्पाटस्थित होटल र्‍याडिसनमा आयोजित एक विशेष कार्यक्रमकाबीच श्रेष्ठ समूहले उम्मेदवारहरूको नामावली सार्वजनिक गरेको हो 

कार्यक्रममा श्रेष्ठले आफूलाई भावी अध्यक्षको बलियो दाबेदारका रूपमा प्रस्तुत गर्दै आफ्नो समूहका उपाध्यक्ष पदका उम्मेदवारहरूको समेत घोषणा गरे ।

घोषित उपाध्यक्षका उम्मेदवारहरू शिव प्रसाद घिमिरे: वस्तुगत संघको तर्फबाट उपाध्यक्ष उम्मेदवार, प्रवल जंग पाण्डे: एशोसिएटको तर्फबाट उपाध्यक्ष उम्मेदवार, दिल सुन्दर श्रेष्ठ: जिल्ला नगरको तर्फबाट उपाध्यक्ष उम्मेदवार , कृष्ण प्रसाद शर्मा: जिल्ला नगरकै तर्फबाट अर्का उपाध्यक्ष उम्मेदवार को नाम सार्वजनिक  गरेका हुन्  ।