काठमाडौं- नेकपा एमालेका नेता ईश्वर पोखरेलले मुलुकलाई लोकतान्त्रिक तथा संवैधानिक प्रक्रियामा ल्याउन आगामी निर्वाचन निकै महत्वपूर्ण भएको बताएका छन् ।

काठमाडौं क्षेत्र नम्बर ५ का उम्मेदवारसमेत रहेका पोखरेलले सोमबार हाँडीगाउमा घरदैलोका क्रममा सञ्चारकर्मीसँग कुरा गर्दै यस्तो बताएका हुन् ।

मुलुक असामान्य अवस्थामा रहेका बेला लोकतान्त्रिक तथा संवैधानिक प्रक्रियामा ल्याउन आगामी निर्वाचन निकै महत्वपूर्ण रहेको उनले बताएका छन् । उनले देश बनाउने एक मात्रै पार्टी एमाले भएको पनि तर्क गरे ।

निर्वाचन क्षेत्रका मतदाता, पार्टी कमिटी लगायतको आवश्यकताका आधारमा आफ्नो उम्मेदवारी रहेको उनले बताए ।

पोखरेलले जनताका समस्या र यसअघि अघि सारेका धेरै योजनाहरू कार्यान्वयन गरिने प्रतिबद्धता पनि जनाएका छन् ।

आफूले गरेका कामबारे मतदाता जानकार रहेकाले जनताले आफूलाई मत दिएर विजयी गराउने उनको दाबी छ ।

काठमाडौं क्षेत्र नम्बर ५ मा एमालेका पोखरेलसँग कांग्रेसबाट प्रदीप पौडेल, नेकपाबाट कल्पना शर्मा, राप्रपाबाट कमल थापा, रास्वपाबाट सस्मित पोखरेल लगायत मैदानमा छन् ।