चितवन- चितवन क्षेत्र नम्बर २ की नेपाली कांग्रेसकी उम्मेदवार मीनामारी खरेलले स्थानीयको समस्या समाधानका लागि आफू निर्वाचनमा होमिएको बताएकी छन् ।

प्रेस युनियन चितवनले सोमबार भरतपुरमा गरेको पत्रकार भेटघाट कार्यक्रममा खरेलले आफूले गरिब असहाय, महिला, बालबालिकाको क्षेत्रमा काम गर्दै आएको र स्थानीय समस्या सबै राम्रोसँग बुझेकाले जनताले विश्वास गर्ने पनि बताइन् ।

आफू निर्वाचित भए चितवन क्षत्रे नम्बर २ को विकास निर्माणदेखि नीति नियम र ऐन कानूनले बाधा गरेका विषय उठान गर्ने उनले बताइन्।

संविधानले प्रत्याभूत गरेको अधिकार नागरिकले प्राप्त गर्न नसकेको अवस्थामा ती कुरा स्थापित गर्न आफूले भूमिका खेल्ने प्रतिबद्धता उनले जनाइन् ।

चितवन क्षेत्र नम्बर २ मा राष्ट्रिय स्वतन्त्र पार्टीबाट रवि लामिछाने तेस्रो पटक चुनावी मैदानमा छन् ।

त्यस्तै नेकपा एमालेले अश्मिन घिमिरे र नेकपाले प्रताप गुरूङलाई उम्मेदवार बनाएको छ । यस क्षेत्रमा १७ राजनीतिक दल र ६ जना स्वातन्त्रसहित २३ जना उम्मेदवार मैदानमा छन् ।