काठमाडौं – आईसीसी टी–२० विश्वकप क्रिकेटको सुपर–८ मा आज वेस्ट इन्डिज र जिम्बावे भिड्दैछन् । समूह चरणमा अपराजित यी दुई टिमको खेललाई महत्त्वका साथ हेरिएको छ ।
जिम्बावे समूह ‘बी’ र वेस्ट इन्डिज समूह ‘सी’को विजेता बन्दै सुपर–८ पुगेका हुन् । यी दुवै टिम सुपर–८ को समूह ‘एक’मा छन् ।
सुपर–८ को समूह ‘एक’मा दक्षिण अफ्रिकाले एक खेल जितिसकेको छ । आइतबार राति भएको खेलमा भारतलाई ७६ रनले हराएको हो । यो समूहमा भारत, दक्षिण अफ्रिका, जिम्बावे र वेस्ट इन्डिज छन् ।
वेस्ट इण्डिज र जिम्बावेबीचको खेल सोमबार साँझ ७ः१५ भारतको मुम्बईस्थित वानखेडे स्टेडियममा सुरु हुँदैछ ।
प्रतिक्रिया