काठमाडौं– पोखराबाट काठमाडौं आइरहेको एउटा यात्रुवाहक बस मध्यराति (सोमबार बिहान १:१५ बजे) त्रिशूली नदीमा खसेको छ।

ग २ ख १४२१ नम्बरको यात्रुवाहक बस धादिङको बेनीघाट रोराङक गाउँपालिकाकको चरौँदिनजिकै दुर्घटनामा परेर त्रिशूली नदी किनारमा खसेको हो

यो दुर्घटनामा अहिलेसम्म १७ जनाको शव घटनास्थलमा भेटिएको जिल्ला प्रहरी कार्यालय धादिङले जनाएको छ । घटनास्थलमै मध्यराति पुगेका स्थानीय पत्रकार पोषनाथ अधिकारीले अहिलेसम्म १७ वटा शव भेटिएको जानकारी दिएका छन् ।

उद्धारका लागि सुरक्षाकर्मीको टोली पुगे पनि मध्यरातमा अँध्यारोका कारण भीरबाट घाइते तथा मृतकलाई निकाल्न मुश्किल परेको छ। अहिले उद्धारका लागि स्थानीयबासीसमेत पुगेका छन् । बस नदी किनारमा रहेकाले शवहरू वरपर छरिएका छन् ।

थप विवरण आउँदै…