काठमाडौँ- गायक तथा संगीतकार नागेन्द्र श्रेष्ठको नयाँ गीत ‘सुन मायालु’ को म्युजिक भिडियो सार्वजनिक गरिएको छ। लोक–पप शैलीमा तयार गरिएको गीतमा गायिका शान्तीश्री परियार र गायक गौरव गिरीको स्वर सुन्न सकिन्छ।

प्रेम र रोमान्समा आधारित भिडियोमा गायक गौरव गिरी स्वयंले अभिनय गरेका छन् भने उनलाई दीपा शाहीले साथ दिएकी छन्। भिडियो रिलिज भएको छोटो समयमै टिकटक र रिल्समा व्यापक प्रयोग हुन थालेपछि गीतले राम्रो चर्चा पाएको संगीतकार नागेन्द्र श्रेष्ठले बताएका छन्।

गीतको एरेन्ज केशव बडुले गरेका छन् भने मिक्सिङ तथा मास्टरिङ श्याम श्वेत रसाइलीको रहेको छ। अनिल के. मानन्धरको डिओपी रहेको भिडियोमा जयन्द्र कुँवरको छायांकन छ। भिडियोको निर्देशन पनि गायक गौरव गिरीले नै गरेका हुन्।

निरज सापकोटाको सम्पादन रहेको भिडियोमा गौरव र दीपासँगै जीवन थापा, सुरेश भट्ट, बब्लु गौतम, मोनिका सिंह र बबिता तिरुवाको पनि अभिनय देख्न सकिन्छ। भिडियोको कलर श्याम कुँवरले गरेका छन्।

‘सुन मायालु’ म्युजिक भिडियो संगीतकार नागेन्द्र श्रेष्ठको आधिकारिक युट्युब च्यानलमार्फत सार्वजनिक गरिएको हो।