काठमाडौं– नेपाली कांग्रेसका सभापति गगन थापा पहिलोपटक पार्टी कार्यालय सानेपामा पुगेर बैठक राख्दैछन् । आज बसेको कांग्रेसको केन्द्रीय कार्यसमिति बैठकले प्रधानमन्त्रीको उम्मेदवार गगन थापालाई अगाडि बढाएर जाने निर्णय गर्न सक्ने महामन्त्री प्रदीप पौडेलको संकेत छ। 

पौडेलका अनुसार आगामी प्रतिनिधि सभा निर्वाचनपछि थापालाई प्रधानमन्त्री बनाउने कुरामा कांग्रेसमा दुई मत छैन। 

‘सभापति बनेपछि पहिलोपटक सानेपामा पुगेर बैठक गर्दैछौँ महत्वपूर्ण निर्णय त गरिहाल्छौँ’, महामन्त्री भने, ‘महत्वपूर्ण निर्णय हुनसक्छ निर्वाचनपछि हामी कसको नेतृत्वमा सरकार गठन गर्छौं त्यसलाई हामी क्लियर पार्न चाहन्छौं।’

काठमाडौँ क्षेत्र नम्बर ४ छोडेर सभापति थापा सर्लाही क्षेत्र नम्बर ४ बाट निर्वाचन लड्दैछन्। उनलाई त्यहाँबाट पूर्व काङ्ग्रेस नेता तथा राष्ट्रिय स्वतन्त्र पार्टीबाट उम्मेदवार रहेका डा। अमरेशकुमार सिंहले टक्कर दिइरहेका छन् । 

सिंह स्थानीयवासी हुन् भने थापा टुरिस्ट उम्मेदवार हुन्।