काठमाडौं– गत आर्थिक वर्ष ०८२-८३ को १ वर्ष अवधिमा नेपालमा २० खर्ब ९६ अर्ब ३७ करोड ९० लाख ७० हजार रुपैयाँको वस्तु आयात भएको छ । जुन अघिल्लो आर्थिक वर्षको तुलनामा १६.२० प्रतिशतले धेरै हो।

त्यस्तै, गत आर्थिक वर्षको १२ महिनामा नेपालबाट ३ खर्ब १५ अर्ब २९ करोड ४ लाख ७४ हजार रुपैयाँको वस्तु निर्यात भएको छ । जुन निर्यात अघिल्लो आर्थिक वर्षको तुलनामा १३.८१ प्रतिशतले धेरै हो ।

गत आर्थिक वर्षमा आयात निर्यात दुवै वृद्धि हुँदा नेपालको कुल वैदेशिक व्यापार १५.८८ प्रतिशतले बढेको भन्सार विभागले जनाएको छ ।

विभागको तथ्यांकअनुसार गत आर्थिक वर्षमा नेपालमा सबैभन्दा धेरै अर्थात् १ खर्ब ७२ अर्ब ४२ करोड ८७ लाख २३ हजार रुपैयाँ र सोयाबिन तेल र सोको कच्चा पदार्थ १ खर्ब ३२ अर्ब ७६ करोड ९५ लाख ९७ हजार रुपैयाँको भएको छ।

साथै, समीक्षा अवधिमा नेपालबाट १ खर्ब २८ अर्ब ७४ करोड ४० लाख २७ हजार रुपैयाँको सोयाबिन तेल र सोको कच्चा पदार्थ र १२ अर्ब ६४ करोड ७८ लाख ८१ हजार रुपैयाँको अलैँची निर्यात भएको छ।