काठमाडौं- सम्पत्ति शुद्धीकरणसम्बन्धी अनुसन्धानका लागि सोमबार पक्राउ गरिएका नेकपा एमालेका उपाध्यक्ष विष्णु पाैडेललाई सुर्खेतबाट रात्रिबसमा चढाएर काठमाडौं ल्याउन लागिएको छ।

सम्पत्ति शुद्धीकरण विभाग र प्रहरीसहितको टोलीद्वारा पक्राउ गरिएका उनलाई अहिले जिल्ला प्रहरी कार्यालय सुर्खेतमा राखिएको छ।

गृहमन्त्री सुधन गुरुङको सचिवालयका अनुसार उनलाई सोमबार नै रात्रिबसमा चढाएर काठमाडौं ल्याउने तयारी भइरहेको छ।

सम्पत्ति शुद्धीकरण मुद्दामा उनलाई सुर्खेतमा रहेकाे शुभ हाेटलबाट उनलाई नियन्त्रणमा लिइएको थियो।

पाैडेल एमालेको चुनावी समीक्षा र पार्टी पुनर्गठन अभियान कार्यक्रममा सहभागी हुन आइतबार सुर्खेत झरेका थिए । सुर्खेत प्रहरीका अनुसार उनलाई सोमबार नै रात्रिबसमा राखेर काठमाडौं पठाउने तयारी भएको छ।