काठमाडौं- जेठ दोस्रो साता लगातार चार दिन बिदा हुने भएको छ।

गृह मन्त्रालयले शुक्रबार इस्लाम धर्मावलम्बीहरूको पर्व बकर ईद (ईद-उल-अज्हा) का अवसरमा जेठ १४ गते बिहीबारका दिन सार्वजनिक बिदा दिने निर्णय गरेसँगै यस्तो संयोग पर्ने भएको हो ।

मन्त्रालयका अनुसार गत फागुन १८ गतेको नेपाल राजपत्रमा प्रकाशित सूचनाअनुसार बकर ईदको दिन सार्वजनिक बिदा दिने व्यवस्था छ।

मुस्लिम आयोगबाट प्राप्त जानकारी अनुसार आगामी जेठ १४ गते बिहीबारका दिन बकर ईद (ईद-उल-अज्हा) परेको हुँदा उक्त दिन सार्वजनिक बिदा हुने मन्त्रालयले जनाएको हो ।

गृह मन्त्रालयले त्यस दिन देशभर सार्वजनिक बिदा हुने स्पष्ट पारेको छ। जेठ १५ गते शुक्रबा सरकारले बजेट ल्याउँछ भने गणतन्त्र दिवस पनि हो ।

त्यसपछि जेठ १६ गते शनिबार पर्छ भने जेठ १७ गते आइतबार पनि पेट्रोलिय पदार्थ जोगाउन सरकारले बिदा दिने गरेको छ।