काठमाडौं – इन्डियन प्रिमियर लिग २०२६ अन्तर्गत ३२औँ खेलमा राजस्थान रोयल्सले लखनउ सुपर जायन्ट्स सामु १६० रनको लक्ष्य प्रस्तुत गरेको छ। बुधबार एकाना क्रिकेट स्टेडियममा भएको खेलमा लखनउले टस जितेर पहिले बलिङ रोजेको थियो।

पहिले ब्याटिङ गरेको राजस्थानले २० ओभरमा ६ विकेट गुमाउँदै १५९ रन बनायो। टोलीका लागि रवीन्द्र जडेजाले सर्वाधिक अविजित ४३ रन बनाए।

१५ वर्षे ओपनर वैभव सूर्यवंशीले ठूलो इनिङ्स खेल्न सकेनन् र ८ रनमै आउट भए। उनलाई मोहसिन खानले दिग्वेश राठीको हातबाट क्याच गराएका थिए ।

बलिङतर्फ लखनउका मोहम्मद शमी, मोहसिन खान र प्रिन्स यादवले उत्कृष्ट प्रदर्शन गर्दै समान २–२ विकेट लिए।
यसअघि वैभव सूर्यवंशीले चौका प्रहार गर्दै इन्डियन प्रिमियर लिगमा २२७ बलमै ५०० रन पूरा गर्ने कीर्तिमान बनाएका छन् ।

उनी लिग इतिहासमा सबैभन्दा कम बलमा ५०० रन पुरा गर्ने ब्याटर बनेका छन्। यसअघि आन्द्रे रसेलले २४४ बलमा ५०० रन पूरा गरेका थिए।