काठमाडौं- भाटभटेनी सुपरमार्केटका सञ्चालक एवम् व्यवसायी मीनबहादुर गुरुङले जेन-जीका नाममा भएको आगजनीप्रति आक्रोश व्यक्त गरेका छन् ।

जेन-जीका नाममा गत भदौ २४ गते जलाइएको महाराजगञ्जस्थित भाटभटेनीको शाखा पुनर्सञ्चालन पूजा कार्यक्रमपछि सञ्चारकर्मीसँग बोल्दै उनले यस्तो बताएका हुन् ।

‘किन जलाएको ? दान गरेको भनेर जलाएको ? कसैलाई दान गर्‍यो भनेर जलाइदिने ?’, उनले भने, ‘हुम्ला, जुम्ला, मुगु, कालिकोटका बालबालिकालाई डाक्टर बनाउँदैछु, मैले सहयोग गर्‍यो भनेर जलाउने ?’

उनले भर्खरै बाल अस्पताललाई करोडौँ पैसा सहयोग गरेको स्मरण गरे । ‘बाल अस्पताललाई करोडौँ रुपैयाँ दान गरेँ । यहीँ शिक्षण अस्पताल कति राम्रो छ। यो अस्पताल मान्छेले नेपालको हो कि विदेशको भनेर छुट्याउन गाह्रो छ । त्यही महसुस होस् भनेर सहयोग गरेको हुँ ।’

उनले यसरी अरूलाई निरन्तर सहयोग गरेको संस्थाको मान्छेलाई आक्रमण गरेको भन्दै उनले निन्दा गरे । ‘मैले त्यो कुरा बिर्सिएँ । अब उप्रान्त यस्तो नहोस्’, उनले भने, ‘अब हामी पुननिर्माणको चरणमा छौँ । यस्ता घटना फेरि नदोहोरयुन् ।’