काठमाडौं – आईसीसी टी–२० विश्वकप जारी छ । सुपर–८ का खेल शनिबार नै सुरु भए पनि पाकिस्तान र न्युजिल्यान्डले वर्षाका कारण अंक बाँडेकाले विश्वप सुपर–८ का खेलको दृश्य आइतबार मात्र देखिँदैछ ।

विश्वकपको समूह चरणमा सर्वाधिक रन पाकिस्तानका खेलाडीले बनाउँदा समूहचरणबाटै बाहिरिएको अमेरिकाका खेलाडीले सर्वाधिक विकेट हात पारेका छन् ।

अमेरिकी बलर साड्ली क्लाउन भ्यान साल्कविकले अहिलेसम्म सर्वाधिक १३ विकेट हात पारेका छन् । चार खेल खेल्दा उनले १३ विकेट हात पारेका हुन् । चार खेलमा १४ ओभर ५ बल बलिङ गर्दा उनले १३ विकेट हात पारेका हुन् । सर्वाधिक १३ विकेट हात पार्दा उनले १०१ रन खर्चिएका छन् ।

सर्वाधिक विकेट लिने खेलाडीको सूचीमा दोस्रो नम्बरमा भारतका वरुण चक्रवती छन् । उनले चार खेलमा ६२ रन खर्चिएर ९ विकेट हात पारेका छन् । उनलाई पछ्याउँदै जिम्बावे, स्कटल्यान्ड र अफगानिस्तानका बलरले समान ९–९ विकेट लिएका छन् । रनरेटका आधारमा वरुण पहिलो नम्बरमा छन् ।

सर्वाधिक रन बनाउने खेलाडीको सूचीको पहिलो नम्बरमा पाकिस्तानका ब्याट्सम्यान साहिबजादा फरहान छन् । २९ वर्षीय उनले चार खेल खेल्दा २२० रन बनाएका हुन् ।

चार इनिङ खेल्दा एक शतक, एउटा अर्धशतक बनाएका उनले २१ चौका र ११ छक्काको मद्दतमा २२० रन बनाएका हुन् ।

सुपर–८ मा पुगेको पाकिस्तानका लागि मिडल अडरका ब्याट्सम्यान उनले थप उत्कृष्ट प्रदर्शन गर्न सक्छन् । उनलाई श्रीलंकाका ब्याट्सम्यान पथुम निसानकाले १९९ रन बनाएर पछ्याइरहेका छन्।