काठमाडौं – पूर्वपश्चिम राजमार्गअन्तर्गत मकवानपुरको मनहरीमा बस दुर्घटना भएको छ ।
मनहरी गाउँपालिका–७ बिजौनास्थित सडकमा आइतबार बिहान यात्रुवाहक बस दुर्घटना हुँदा २२ यात्रु घाइते भएका छन् ।
जिल्ला प्रहरी कार्यालय, मकवानपुरका अनुसार वीरगन्जबाट चितवनतर्फ गइरहेको बाप्र ०६–००१ख ००५४ नम्बरको यात्रुवाहक बस अनियन्त्रित भएर दुर्घटना भएको हो ।
बस अनियन्त्रित भएर सडकको बायाँ साइडको विद्युत पोलमा ठोक्किँँदा बसमा सवार २२ जना यात्रु घाइते भएको मकवानपुर जिल्ला प्रहरी कार्यालयका प्रवक्ता प्रहरी नायब उपरीक्षक पुष्कर बोगटीले जानकारी दिए।
प्रवक्ता बोगटीका अनुसार सबै घाइतेलाई उपचारका लागि चितवन अस्पताल पठाइएको छ ।
प्रतिक्रिया