बुटवल- लुम्बिनी प्रदेशको नवलपरासी (सुस्ता पश्चिम) निर्वाचन क्षेत्र नम्बर १ मा नेपाली कांग्रेसका नेता देवेन्द्रराज कँडेलको उम्मेदवारी रद्द भएको छ।

जिल्ला निर्वाचन अधिकृतको कार्यालयका अनुसार कांग्रेसका नेता कँडेलको उम्मेदवारी रद्द गरिएको जनाएको छ ।

कांग्रेसकै नेता भीमबहादुर थापाले सुरूमा आधिकारिक टिकट लिएर उम्मेदवारी दर्ता गराएका थिए । कँडेलले थापा पछाडि उम्मेदवारी दर्ता गरेपछि खारेजीमा परेको हो ।

कँडेलले दर्ता नम्बर उल्लेख नगरी क्रम संख्या मात्रै राखर्एको भेटिएसँगै उम्मेदवारी विवाद भएको थियो । मुख्य निर्वाचन कार्यालयमा पहिले उम्मेदवारी दर्ता गरेका थापालाई मान्यता दिएसँगै कँडेल जिल्लिएका हुन् ।

उक्त निर्वाचन क्षेत्रबाट उठेकी आमजनता पार्टीकी मायाकुमारी थापाको उम्मेदवारी पनि खारेज भएको छ । सहायक निर्वाचन अधिकृत भेषराज खनाल थापाको नाम कालोसूचीमा पाइएपछि उम्मेदवारी खारेजीमा परेको हो ।

यो निर्वाचन क्षेत्रबाट सुरुमा २७ जनाको उम्मेदवारी परेको थियो । अब त्यहाँ १० जना स्वतन्त्र र १५ दलकासहित २५ जनाको उम्मेदवारी कायम भएको निर्वाचन अधिकृतको कार्यालयले जनाएको छ।