काठमाडौं – मोडल डली गुरुङ याक्थुम्बा पाचौं संस्करणको ‘मिसेस नेपाल युनिभर्स’मा विजेता घोषित भएकी छन्।

विजेता भएसँगै उनले आगामी अक्टोबरमा आयोजना हुने ‘मिसेस युनिभर्स २०२६’ मा नेपालको प्रतिनिधित्व गर्ने भएकी छन् ।

ललितपुरको झम्सिखेलमा सम्पन्न ‘क्राउन सेरेमोनी’मा उनलाई प्रदान गरिएको हो । कार्यक्रममा ललितपुर महानगरपालिकाकी उपमेयर मञ्जली शाक्य र मिसेस नेपाल युनिभर्सकी राष्ट्रिय निर्देशक मनिषा डंगोल श्रेष्ठले संयुक्त रूपमा डलीलाई विजेताको ताज हस्तान्तरण गरेका थिए।

डली तेस्रो चरणको क्यान्सरसमेत जित्न सफल सामाजिक अभियान्तको रुपमा उनी परिचित छिन् । नेपाली विज्ञापन र फेसन क्षेत्रमा लामो समयदेखि सक्रिय डली नेपालकै पहिलो टेलिभिजन भिडियो विज्ञापनमा देखिएकी भिजुअल मोडलका रूपमा परिचित छिन् ।