काठमाडौँ – इंग्लिस प्रिमियर लिग क्लब चेल्सीले इंग्ल्यान्डका फरवार्ड मोर्गन रोजर्सलाई बेलायती कीर्तिमानी रकममा अनुबन्ध गरेको छ। २४ वर्षीय रोजर्सलाई चेल्सीले एस्टन भिल्लाबाट १५ करोड ६५ लाख डलरमा लन्डन ल्याएको हो।

प्रिमियर लिगमा उदयमान फरवार्डका रूपमा उदाएका रोजर्सले चेल्सीसँग सन् २०३३ सम्मका लागि सम्झौता गरेका छन्। नयाँ प्रशिक्षक ज्याभी एलोन्सो क्लबमा आएयता चेल्सीले गरेको यो तेस्रो अनुबन्ध हो। यसअघि चेल्सीले मार्को पलेस्ट्रच र जियाभानी क्वेन्डालाई टोलीमा भित्र्याइसकेको छ।

यसै महिना म्यानचेस्टर सिटीले १५ करोड ५० लाख डलरमा नटिंघम फरेस्टबाट एलिट एन्डरसनलाई भित्र्याएको थियो। प्रिमियर लिगको इतिहासमै सबैभन्दा उच्च स्थानान्तरणको कीर्तिमान भने एलेक्जान्डर इसाकको नाममा छ। लिभरपुलले न्युकासल युनाइटेडबाट इसाकलाई ल्याउन १६ करोड ७० लाख डलर खर्चिएको थियो।