काठमाडौं- राजधानी दिल्लीमा आयोजित प्रदर्शनमा सहभागीमाथि सुरक्षाकर्मीले लाठीचार्ज गरेपछि भारतमा राजनीतिक सरगर्मी बढेको छ । सोमबार ककरोच जनता पार्टी (सीजेपी) ले संसद भवनसम्म निकालेको र्‍यालीका क्रममा प्रदर्शनकारीमाथि प्रहरीले लाठीचार्ज गरेको थियो ।

सोही दमनको विरोधमा मंगलबार लोकसभामा विपक्षी दलका नेता राहुल गान्धी र सांसद प्रियङ्का गान्धी वाड्राको नेतृत्वमा कांग्रेसका शीर्ष नेताहरूले प्रधानमन्त्री नरेन्द्र मोदीको निवासतर्फ र्‍याली निकालेका छन् । प्रदर्शनकारी कांग्रेस नेता तथा कार्यकर्ताहरू प्रधानमन्त्री निवासबाहिर धर्ना बसेर ‘प्रधानमन्त्री राजीनामा देउ’ र ‘नरेन्द्र मोदी डाउन-डाउन’ जस्ता नारा लगाएका छन् ।

धर्नामा राहुल गान्धी र प्रियंका गान्धीका साथै कांग्रेसका संगठन महासचिव केसी वेणुगोपाल, कर्नाटकका मुख्यमन्त्री डीके शिवकुमार लगायत थुप्रै सांसद र कार्यकर्ताहरूको बाक्लो उपस्थिति रहेको छ । विरोध प्रदर्शनका क्रममा कांग्रेसका संगठन महासचिव केसी वेणुगोपालले प्रधानमन्त्री निवासबाहिर भुइँमा सुतेर अनौठो शैलीमा आफ्नो विरोध जनाएका छन् ।